Priyavin kirukkalgal ✍️

எழும்போதே முத்தங்கள்
கன்னங்களில்

அப்படி இப்படியெனக் கடக்கையிலெல்லாம்
அணைப்பின் முத்தம்

பூனைக்குட்டியாய்
உரசிப் பதிக்கும் எச்சில் முத்தம்

தகிக்கும் வெக்கையின் உச்சம்
தணிக்கும் குளிர்ந்த கூழாய்
சில்லென்ற முத்தம்

வாடைக் காற்றில் பறக்கும் இறகாய் முத்தம்

எத்தனைக் கொடுத்தாலும்
தீராத வட்டிக் கடனாய்
நிலுவையில் ஓராயிர முத்தங்கள்

எனக்கும் அன்பு
மகளுக்குமிடையேயான
முத்தங்கள்
ஆயுட் கால குத்தகைக்கு
என்றும்.

~ ப்ரியா பாஸ்கரன்