Priyavin kirukkalgal ✍️

எதிர் எதிர் இருக்கையில்
இருக்கின்றோம்
சன்னல்களுக்கு வெளியே
கைக்கெட்டும் வானம்
வேகமெடுக்கும் இரயிலில்
விட்டு விட்டுப் போகிறது
மின்சாரக் கம்பங்கள்

வெயில் குடையின்றி நனைகிறது
மழை முக்காடின்றி காய்கிறது

மனதிற்கெட்டிய தூரம் வரை
மனப் பதிவுகளை
விரல்களைப் பின்னியபடி
மீட்டெடுக்கும் முயற்சியில் நாங்கள்

தேடலின் சுகத்தை அடைவதற்குள்
நிறுத்தமொன்றில் ஏறிய
பயணிகளால் முற்றுப் பெறுகிறது
விடைகாணா தேடல்கள்

நினைவுகளின் பேரகழிக்குள்
விடுதலையென்ற ஒன்று
விழிகளுக்குள் முளைத்துக்கொண்டிருந்தன

~ ப்ரியா பாஸ்கரன்