மந்தையில் மாதந்தோறும் கூடும்
சந்தைக்கு அக்காவுடன் சலசலத்து
ஒத்தையடிப் பாதையில் ஒய்யாரமாக
எந்தையுடன்(தமையன்) சண்டைப் பிடித்து
தந்தைத் தந்த காசுடன்
அத்தைத் துணையுடன் போவோம்..!
முந்திக்கொண்டு சந்தைக்கு வந்தவுடன்
முந்தைய வடிவில் இல்லாமல் புதிய
விந்தையான கண்ணாடி வளையல்
சிந்தை மகிழக் கையில் அடுக்குவோம்
சந்தோசமாக அக்காவும் நானும்..!
எந்தையோ தம்பிக்குப் பிடித்த
தொந்திக்காரர் விற்கும்
பந்தை வாங்கப் பந்தாவாக
உந்திச் சென்று பேரம் பேசக்
கந்துவட்டிக்காரராய்
தொந்திக்காரர் மறுக்க
நொந்துபோய் கேட்ட விலையை
அந்தோ பரிதாபமாய் கொடுத்து
பந்தை வாங்கி வருவான்..!
சொத்தையில்லா பிஞ்சுக்
கத்தரிக்காய் காரக்குழம்புக்கு
பித்தம் போக்கும் இஞ்சியோ
தித்திக்கும் மாங்காய் பச்சடிக்குக்
கொத்தாகக் கொத்தமல்லி
சத்தான சமையலுக்கென
அத்தனைக் காய்களையும்
எத்தனையோ முறை எடுத்துப்பார்த்து
முந்தானையில் முடிந்திருக்கும்
கத்தையான காசில் கச்சிதமாய் வாங்கி
அத்தை நிறைப்பாள் கூடையை..!
கந்தலான காகிதத்தில் சுத்திய
வெந்த கலக்காய்ச் சுண்டல்
மெத்தைபோல மிருதுவான பஞ்சுமிட்டாயென
மொத்தமாய் வாங்கி சுவைத்துக்கொண்டே
சத்தம் போட்டு ஆடு ராமாவென
வித்தைக்காரர் கத்த
மந்திக் காட்டும்
வித்தையை இரசித்துப் பார்ப்போம்..!
அந்தி சாயும் வேளையில்
சொந்தங்கள் சிலர்
சந்தையில் சந்திக்க
சந்தோசமாக உறவாடிப்
பிந்தி மெதுவாக நடந்து
சந்து பொந்தில் நுழைந்து
வந்து வீட்டுக்கு
இந்தாவென அண்ணன் தம்பிக்குப்
பந்தைக் கொடுக்க அவன் ஆர்ப்பரிக்க
அத்தை அம்மாவிடம்
சந்தைக் கதை(டை) கதைக்க
முந்திக்கொண்டு நாங்கள் வளவி காட்ட
தந்தையோ உச்சிமோந்து மெச்சுவார்..!
– பிரியா பாஸ்கரன் 🙏🏻
Priyavin kirukkalgal ✍️ 